ពិធីចុះអនុស្សរណៈនៃការយោគយល់គ្នា
ពិធីចុះអនុស្សរណៈនៃការយោគយល់គ្នា រវាងសមាគមបច្ចេកវិទ្យា ទឹកនោមផ្អែម និងក្រពេញកម្ពុជា និង BUZUD នាព្រឹកថ្ងៃសៅរ៍ ២រោច ខែចេត្រ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី៤ ខែមេសា ឆ្នាំ២០២៦។
កិច្ចពិភាក្សាក្នុងសន្និសីទពាក់កណ្ដាលឆ្នាំលើកទី៤
កិច្ចពិភាក្សារបស់វាគ្មិនជាតិ និងអន្តរជាតិ ក្នុងសន្និសីទពាក់កណ្ដាលឆ្នាំលើកទី៤ របស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា។
សន្និសីទពាក់កណ្ដាលឆ្នាំលើកទី៤
ពិធីបើកសន្និសីទពាក់កណ្ដាលឆ្នាំលើកទី៤ របស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា ក្រោមប្រធានបទ «នវានុវត្តន៍ក្នុងការព្យាបាលជំងឺពុកឆ្អឹង និងជំងឺមេតាបូលិក» នាព្រឹកថ្ងៃសៅរ៍ ២រោច ខែចេត្រ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី៤ ខែមេសា ឆ្នាំ២០២៦ នៅសណ្ឋាគាររ៉េស៊ីដង់សុខាភ្នំពេញ។ ក្នុងសន្និសីទនេះ ក៏មានការអញ្ជើញចូលរួមពីឯកឧត្តម លោកជំទាវ សាស្រ្តាចារ្យ ក្រុមគ្រូពេទ្យជំនាញ ជាវាគ្មិនជាតិ និងអន្តរជាតិ ដែលអញ្ជើញមកពីប្រទេសឥណ្ឌា ព្រមទាំងមានការចូលរួមពីដៃគូសហការ វេជ្ជបណ្ឌិត និងនិស្សិត សរុបប្រមាណជា ៤០០នាក់។ កម្រងរូបភាព៖ https://t.me/cadetevent2026
Focused on Diabetes and Well-being — building healthier, more supportive workplaces
We welcomed 280 participants from government, associations, companies, and universities. Proudly organized with the Union of Youth Federations of Cambodia – Phnom Penh (UYFC Phnom Penh) and the Cambodian Association of Diabetes and Endocrine Technology (CADET). Topics: 1- Diabetes & Well-being at the Workplace2- Diabetes & Technology
វីដេអូសកម្មភាពនានា ក្នុងព្រឹត្តិការណ៍សន្និសីទប្រចាំឆ្នាំលើកទី៣
វីដេអូសកម្មភាពក្នុងសន្និសីទប្រចាំឆ្នាំលើកទី៣ ក្រោមប្រធានបទ «នវានុវត្តន៍ក្នុងកាព្យាបាលជំងឺទឹកនោមផ្អែម ដែលមានជំងឺមេតាបូលីក ជំងឺបេះដូង និងបច្ចេកវិទ្យាក្នុងការព្យាបាលជំងឺទឹកនោមផ្អែមចំពោះស្រ្តីមានផ្ទៃពោះ»។
សន្និសីទប្រចាំឆ្នាំលេីកទី៣
នៅព្រឹកថ្ងៃសៅរ៍ ២កើត ខែមិគសិរ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី២២ ខែវិច្ឆិកា ឆ្នាំ២០២៥ សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បានរៀបចំពិធីបើកសន្និសីទប្រចាំឆ្នាំលើកទី៣ ក្រោមប្រធានបទ «នវានុវត្តន៍ក្នុងកាព្យាបាលជំងឺទឹកនោមផ្អែម ដែលមានជំងឺមេតាបូលីក ជំងឺបេះដូង និងបច្ចេកវិទ្យាក្នុងការព្យាបាលជំងឺទឹកនោមផ្អែមចំពោះស្រ្តីមានផ្ទៃពោះ» ក្រោមអធិបតី ឯកឧត្ដមវេជ្ជបណ្ឌិត ស៊ិក ប៊ុណ្ណា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល។ ក្នុងសន្និសីទនេះ ក៏មានការអញ្ជើញចូលរួមពីឯកឧត្តម លោកជំទាវ សាស្រ្តាចារ្យ ថ្នាក់ដឹកនាំ ក្រុមគ្រូពេទ្យជំនាញ និងវាគ្មិនជាតិ និងអន្តរជាតិ ដែលអញ្ជើញមកពីក្រៅប្រទេសសិង្ហបុរី ឥណ្ឌា និងមីយ៉ាន់ម៉ា ព្រមទាំងមានការចូលរួមពីដៃគូសហការ និស្សិត និងវេជ្ជបណ្ឌិត សរុបប្រមាណជាង៦០០នាក់។
កម្មវិធី «សុខភាព និងសុវត្ថិភាព»
ឯកឧត្តម វេជ្ជបណ្ឌិត ប៊ុន សុជាតិ អនុប្រធានសមាគមបច្ចេកវិទ្យា ទឹកនោមផ្អែម និងក្រពេញកម្ពុជា(CADET) បានចូលរួមកម្មវិធី «សុខភាព និងសុវត្ថិភាព» ដែលរៀបចំដោយសមាគមកាយឬទ្ធិនារីកម្ពុជាសាខាខេត្តកំពត ក្រោមអធិបតីភាពលោកជំទាវ ឌិត នីតា ប្រធានសមាគម។ នាឱកាសនោះផងដែរ ឯកឧត្តម អនុប្រធានសមាគម ក៏បានចែករំលែកនូវបទពិសោធន៍សម្រាប់អង្គសិក្ខាសាលាជាពិសេសចំពោះក្មួយៗលើប្រធានបទ «អាហារដើម្បីសុខភាពល្អ ការសិក្សាល្អ អនាគតល្អ» ការយល់ដឹងតាំងពីវ័យក្មេងអំពីជំងឺរ៉ាំរ៉ៃមិនឆ្លងអាចផ្តល់ផលជាវិជ្ជមានសម្រាប់ប្រជាពលរដ្ឋយើង។ ក្នុងនោះផងដែរ ឯកឧត្តមវេជ្ជបណ្ឌិត ក៏បានបង្ហាញអំពីកម្មវិធីទូរស័ព្ទដៃ «កំណត់ត្រាទឹកនោមផ្អែម» ដែលបានបង្កើតឡើងដោយសមាគម ហើយសាធារណៈជនអាចទាញយកបានដោយឥតគិតថ្លៃតាមតំណរភ្ជាប់ខាងក្រោមនេះ។ គួរបញ្ជាក់ផងដែរថាកម្មវិធីនេះមានការចូលដោយក្មួយៗដែលជាសមាជិកសកម្ម ៦៦នាក់ មេដឹកនាំក្រុមនិងគ្រូបង្គោល ២២នាក់ ក្រុមគ្រូពេទ្យសម្តេចតេជោ ៧នាក់ រួមជាមួយថ្នាក់ដឹកនាំសមាគម ១៥នាក់ សរុបអ្នកចូលរួមប្រមាណ ១១០នាក់។
CADET Delegation, Led by Prof. Sum Satha, Visits Prof. V. Mohan’s Renowned Diabetes Centre
The CADET team, led by Prof. Sum Satha, was graciously received by Prof. V. Mohan at his clinic in Chennai today. The meeting featured an engaging exchange of insights, highlighting the inspiring journey and achievements of Prof. Mohan’s clinic and research center in advancing diabetes care and research.
ការចែករំលែក និងផ្សព្វផ្សាយវីដេអូអប់រំជំងឺទឹកនោមផ្អែម នៅតាមមន្ទីរពេទ្យបង្អែកទាំង០៩ ក្នុងខេត្តកំពង់ចាម
សមាគមបច្ចេកវិទ្យា ទឹកនោមផ្អែម និងក្រពេញកម្ពុជា បានប្រគល់សិទ្ធិជូននាយកដ្ឋានការពារសុខភាព នៃក្រសួងសុខាភិបាល បានចែករំលែក និងផ្សព្វផ្សាយវីដេអូអប់រំទាក់ទងនឹងជំងឺទឹកនោមផ្អែម ដែលបានបង្កើតឡើងដោយក្រុមការងារកម្មវិធីទូរសព្ទ «កំណត់ត្រាទឹកនោមផ្អែម CarnetDia » នៅតាមមន្ទីរពេទ្យបង្អែកទាំង០៩ ក្នុងខេត្តកំពង់ចាម ក៏ដូចជាតាមមន្ទីរពេទ្យបង្អែកដទៃទៀតនៅក្នុងព្រះរាជាណាចក្រកម្ពុជា។